Það var og.

 Maðurinn er þá væntanlega að tala um eitthvað svipað og á síðasta ári, þegar efnahagskerfi þjóðarinnar var talað í rúst.

 Þetta er algjörlega stórkostlegt. Djöfull getur vitlaust lið komist í háar stöður, og ég sem hélt að ég væri bara venjulegur sjómaður vegna þess að ég hafði ekki vit til að ná lengra upp metorðastigann.

 Einu sinni var þetta kallað hjátrú og kennt við fólk sem ekki var mikið siglt, talið kjánar. T.d að bóndinn mátti ekki fara út á brókinni til að gá til veðurs um heyskapinn því þá færi að rigna og einu sinni mátti ekki benda á skip því þá átti það að sökkva.

 Að það megi ekki tala um raunveruleikann því þá hækki mintkörfulánið eða atvinnuleysið aukist, fólkið verði blankara.

Þór minn kæri. Gjaldþrota fyrirtæki fer á hausinn hvort heldur við tölum um það eða ekki.

Einu sinni var skip á leiðinni frá Englandi til USA, það sigldi á ísjaka á leiðinni og sökk að lokum. Klukkustundum saman var fólk ekki látið vita hvað raunverulega var að gerast og í öngþveitinu sem skapaðist í lokin, þegar skipið loks var að far niður, fórust nokkur hundruð fleiri en þó hefðu þurft að farast ef menn hefðu strax metið stöðuna rétt og greint frá því hvað væri í vændum.

 Fyrir okkur sem lifum í raunveruleikaheimi var dreginn lærdómur af þessar feigðar ferð, reyndar á margan hátt, og í mínu fagi er það einfaldlega regla númer 1, númer 2 og númer 3 að horfast í augu við staðreyndir STRAX.

 Að lokum vil ég taka það fram, fyrir þá sem lifa í draumaheimi, að Titanic sökk ekki vegna þess að ákveðnir einstaklinga í hópi farþega voru farnir að tala um það eftir áreksturinn að líkleg myndi skipið sökkva.

Ekki má „tala niður" íslenskt efnahagslíf