Ótrúleg endaleysa.

Þessi frétt mynnir mig á þegar maður var ungur og þeir fjörugustu í partýinu sögðu "það hlýtur að vera hægt að redda einni vodka enn" svona um það bil þegar partýgestirnir voru að tínast heim til sín að áliðnum morgni.

Þessi frétt hlýtur að eiga að vera grín! Hverslags fjölmiðill finnur hjá sér þörf til að senda frá sér frétt um að einhver spái 0,5% verðhækkun á markaði sem er ekki einu sinni búinn að opna, og það á þessum síðustu og verstu. Á sama tíma var íslenska vísitalan enn að falla, og örvæntingin á markaðnum að aukast.

Alveg ótrúlegar þessar takmarkalausu tilraunir allra sem hagsmuna hafa að gæta til að hysja brókardrusluna upp um blessað viðskiptalífið okkar.

Ágætu viðskiptablaðamenn, hvort heldur þið eruð á Viðskiptablaðinu, Frjálsri Verslun, MBL eða annarstaðar. Viljið þið drattast til að fara að færa okkur vitibornar fréttir af því sem raunverulega er  er að gerast á heimsmarkaðinum.

Eða eruð þið í sama flokki og þeir á greiningadeildunum? Hafið ekkert vit á þessu til að skýra út fyrir okkur hinum, hvert stefnir.

Útlit fyrir verðhækkun á Wall Street

Athugasemdir

[gfs (IP-tala skráð) 8.1.2008 kl. 21:18]

Þessi blaðamaður er annað hvort byrjandi eða í einhverjum blekkingarleik.  Ég frábið svona fréttir, ég viðurkenni að við almenningur erum misgáfað fólk, en þessi frétt á bara heima hjá Lisu í undralandi.

Annars endaði Wall Street svona í dag:

Dow12,635.00    -243.00-1.89S&P 5001,396.50-25.00-1.76NASDAQ1,924.50-50.75-2.57S&P/TSE794.50-6.40-0.80

[Jóhannes Snævar Haraldsson, 8.1.2008 kl. 22:11]

Var einmitt að spá í að fara að leita mér frétta af US markaðinum.

Nú verðum við að óska eftir að fá senda mynd af blaðamanninum og svo séníinu sem gerði spána í morgun. Það væri fínt að fá með, mynd af þeim sem gerðu verðmatið á SPRON, í haust áður en þeir fóru á markað.

Nei án gríns. Verðum við ekki að krefjast þess að blaðamaðurinn gefi upp hvaða forsendur hann hafði þegar hann skrifaði fréttina ínn á fréttavefinn.

[Þórir Kjartansson, 9.1.2008 kl. 08:30]

Mikið er ég sammála þér Jóhannes. Það er með ólíkindum að fjölmiðlafólk skuli falla í þessa gryfju. Og enn er byrjað að spyrja greiningardeildirnar um framhaldið!!  Held að þessir  fréttamenn ættu að fá sér hlutlausa viðmælendur á nýja árinu.