Að finna sökudólg.

Ég ætla helst að hafa sem fæst orð um þessa greiningu frá Glitni enda fer maður hálfvegis hjá sér yfir því að þetta fólk skuli ekki sjá það sjálft að þau ættu að láta lítið fyrir sér fara á næstunni.        En ég er nú heldur ekki viðskipta "sér"fræðingur.

En sem siglingafræðingur þá myndi ég láta það ógert að kalla í öll skipin í kring og segja þeim hvert best sé að stefna, þegar ég væri sjálfur búinn að sigla í strand. Og tala nú ekki um ef búið var að reyna að vara mig við skerinu.

En það er annað sem er farið að fara verulega í taugarnar á mér, og það er setningin sem nánast er orðin að viðhengi með öllum fréttum í dag, af efnahagsmálum heimsins, "um tapið af húsnæðislánum í Bandaríkjunum"

Eigum við að trúa því að það eina sem að sé í "heimsefnahagnum" sé það að einhver hópur efnalítilla lántakenda í Bandaríkjunum geti ekki borgað lánin til baka. Ég er einhverra hluta vegna ekki tilbúinn að kyngja þessu án umhugsunar. Það hljóta að vera hús í veði fyrir lánunum.

Trúir því einhver að vanskil á þessum lánum geti skekið viðskiptaheiminn líkt og verið hefur að undanförnu, ein sér, jafnvel svo að málsmetandi menn spá allsherjar heimskreppu?

Auglýsi hér með eftir einhverjum sem hefur lesið sér til um þetta, er hættur að vonast eftir greinargóðri úttekt frá íslenskum fjölmiðlum. Jafnvel Spegillinn á RUV hefur ekki enn tekið þetta mál til umfjöllunar en þar eru annars oft góðar fréttaskýringar.

Spá 30% hækkun á hlutabréfum

Athugasemdir

[gfs (IP-tala skráð) 15.1.2008 kl. 18:40]

 Sæll ég skal reyna svara auglýsingunni þinn:

Þessi lán hafa verið sett saman í pakka með öðrum lánum, og svo eru þessir pappírar lánaðir aftur. Þetta myndar einskonar pýramýda, og ef illa gengur að borga til baka upphaflega höfuðstólin þá rýrna ekki bara skuldabréf húsnæðislánsins heldur líka pakkin sem ér í pýramýda uppbyggingu. Og hann getur hrunið, þessi pýramydi er margfalt stærri en upphaflegt húsnæðislán.

Þar sem þessar tölur um húsnæðislánin eru í raun ekki háar í samanburði við bandaríska efnahagskerfið að þá misskilja margir vandan, því vandin eru þessir pakkar í pýramydanum......

sjá: 

http://www.ft.com/cms/s/0/486fb178-c2b9-11dc-b617-0000779fd2ac.html

http://vald.org/greinar/071112.html

http://vald.org/greinar/071125.html

Bankakerfið í BNA hefur farið verulega fram úr sjálfum sér í peningaframleiðslu..... 

[Jóhannes Snævar Haraldsson, 15.1.2008 kl. 20:20]

Takk fyrir það.

Ég datt einmitt beint inn á vald.org eftir að ég óskaði eftir þessum upplýsingum og hreint út sagt er ég í losti eftir 3 klst lestur.

Þetta er gersamlega ótrúlegt. Ég er búinn að lesa mest allt frá 2005 og það er ekki fyndið hvað maðurinn getur hafa séð fram í tímann.

Það sem er skelfilegast er að víst hann gat séð þetta fyrir þá er borðleggjandi að það vissu þetta ótal margir aðrir.

Það hljóta einhverstaðar að vera menn með óbragð í munni.

[gfs (IP-tala skráð) 15.1.2008 kl. 22:42]

Alveg rétt...

Svo er annað mál en það er að almenningur í öflugasta hagkerfi í heimi BNA skluldar mikið, og sennilega veltir hann skuldunum á undan sér með því að fjármagna bæði einkaneyslu og gömul lán með nýjum lánum.  En hvað gerist nú í þessari fjármálakreppu, þegar bankar verða tregir og eða hreinlega neita halda áfram að lána fólki? Og það sem mun auka á vandræði fólks í BNA er að laun eru að lækka, ekki bara hjá lágtekjufólki heldur líka millistéttinni, þar sem mikið af þeirra störfum hefur ferið flutt út til Indlands og Kína.

Niðurstaðan er þessi:

Lækkandi kaupmáttur, LÆKKANDI KAUPMÁTTUR. Sem þýðir að einkaneysla mun smásaman minnka og það mikið.  Sem aftur þýðir kreppa, og ekki bara í BNA heldur um allan heim.

Og............. svo bætist húsnæðisvandamálið við sem tegir anga sína um allan heim einsog net vegna áhrifa afleiðsluviðskipa (pyramydarnir).......

Þannig það er ekki bjart fram undan að mínu mati, en það skýrist sennilega þegar líður að sumri.........